​Bertako produktua merkaturatzeko bide berriak sortu eta herritarren jakintzak partekatzeko helburua du Elikaeneako sukalde komunitarioak. Jendaurrera irekia den espazioa da, egunero zabalik egongo dena. Hiru oinarri hauek ditu:

​Gaur egungo kontsumo-ohituretara egokitzea.

​Bertako produktua balorean jarri eta beste era batean bideratzea.

​Ikaskuntzarako guneak sortzea.

​Prestatutako janaria

​Elikaeneako sukaldean bertako eta sasoiko elikagaiekin osatutako askotariko jaki eta platerak eskainiko ditugu egunero. Barazkiak, lekaleak, haragia, esnekiak eta zerealak izango dira nagusi, otordu orekatu eta goxoak dastatzeko aukera izan dezagun. Etxera eramateko, zure ontzi propioa ekar dezakezu edo bertan izango dugun ontzi-sistema berrerabilgarria erabili.Enkarguak ere jasotzen ditugu, etxeko edota lagunarteko ospakizunetan janari goxoa eskura izan dezazun.

​Eguneko konboa

​Askotariko platerak prestatzeaz gain, egunero plater osatu eta orekatu bat eskainiko dugu, prezio eskuragarrian. Iniziatiba honen helburua da herritar ororen esku jartzea egunero-egunero ondo elikatzeko aukera.

​Zizka-mizka zerbitzua

​Bergaran eta Debagoienean erakunde eta herritarrentzako mokadu-zerbitzua eskaintzen dugu, ekitaldietan jan-edana falta ez dadin. Bertako eta, batez ere, eskualdeko produktuak balioan jartzeko eskaintza dugu: pintxo beroak, hotzak, askotariko zizka-mizkak eta edariak eskaini eta zerbitzatzen ditugu, zure neurrira. Aurrekontuak eskatzeko deitu 681 660 863 telefono-zenbakira edo idatzi sukaldea@elikaenea.eus e-posta helbidera. Eskaera denborarekin egin beharko da kopuruak, ordutegiak eta baldintzak zehazteko.

​Profesionalentzako aholkularitza

​Debagoieneko ikastetxe, egoitza eta enpresen jantokietan tokiko elikagaiak txertatzeko formazioa eta aholkularitza eskaintzen diegu bertako sukaldariei. Izan ere, uneotan Elikaenea hainbat jantoki hornitzeko aukera lantzen ari da eta, beraz, garrantzitsua da zerbitzu hori sukaldariaren ikuspegitik ere osatzea.